શહેરમાં સ્લેબ તૂટી પડવાની 24 કલાકમાં બીજી ઘટના : એપાર્ટમેન્ટમાં ફસાયેલાઓને બહાર કાઢવાની કામગીરી શરૂ કરાઈ
(વર્તમાન પ્રવાહ વાપી બ્યુરો)
વાપી, તા.03: વલસાડ નનકવાડા ગ્રામ પંચાયત વિસ્તારમાં આવેલ નિધિ એપાર્ટમેન્ટનો આજે સાંજના સુમારે અચાનક સ્લેબ તૂટી પડતા જોરદાર અફરા તફરી મચી જવા પામી હતી. સ્લેબનો કાટમાળ નીચે ઉભેલા ત્રણના ઉપર પડતા તાત્કાલિક સારવાર માટે હોસ્પિટલમાં ખસેડાયા હતા.ચારે તરફ દોડધામ મચી જવા પામી હતી.
વલસાડ શહેરની પનોતી બેઠી હોય તેમ છેલ્લા 24 કલાકમાં સ્લેબ તૂટી પડવાની આજે બે ઘટનાઓ સર્જાઈ હતી. 120 આવાસનો રાતે સ્લેબ તૂટી પડવાની ઘટનાની કળ હજુ વળી નહોતી ત્યાં સાંજના નનકવાડા પંચાયત વિસ્તારમાં આવેલ નિધી એપાર્ટમેન્ટનો સ્લેબ તૂટી પડતા નીચે ઉભેલા એક મહિલા સહિત ત્રણ ઉપર કાટમાળ પડતા ઘાયલ થયા હતા. ત્રણેય ઘાયલોને સારવાર માટે ખસેડાયા હતા. બીજી તરફ એપાર્ટમેન્ટમાં ફસાયેલા અન્યોને સલામત બહાર કાઢવાની કામગીરી તાબડતોબ હાથ ધરાઈ હતી.
