(વર્તમાન પ્રવાહ વાપી બ્યુરો) વાપી, તા.24
સ્વામિનારાયણ ગુરુકુળ સલવાવ સંચાલિત શ્રી ઘનશ્યામ વિદ્યામંદિરના ખેલાડીઓ સુરત ઝોન કક્ષાના ખેલ મહાકુંભમાં હોકીની રમતમા ફાઈનલ સુધી પહોંચી ફાઈનલમાં રનર્સ અપ રહી અને ટીમના 4 ખેલાડી રાજ્ય કક્ષાના ખેલમહાકુંભની ટીમ માટે પસંદગી પામતા શાળાનુ ગૌરવ વધાર્યું છે.
વીર નર્મદ દક્ષિણ ગુજરાત યુનિવર્સિટી ખાતે સુરત ઝોન કક્ષાની ખેલ મહાકુંભ હોકી સ્પર્ધાનું આયોજન થયું હતું. જેમાં શ્રી સ્વામિનારાયણ ગુરુકુળ સલવાવ સંચાલિત શ્રી ઘનશ્યામ વિદ્યામંદિર, સલવાવનાચાર વિદ્યાર્થીઓએ મહત્વનુ યોગદાન આપી વલસાડ જિલ્લાને બીજો નંબર પ્રાપ્ત કરાવ્યો હતો.
આ ચાર વિદ્યાર્થીઓ (અરવલ્લી મોડાસા) રાજ્ય કક્ષા એ જશે જેમાં અંશ પટેલ, પુર્વ પટેલ, જેનીલ પટેલ અને ધ્યેય પટેલનો સમાવેશ થાય છે.
તમામ ખેલાડીઓને તાલિમ પીટી શિક્ષક પૂજન પટેલ અને બ્રિજેશ પટેલ દ્વારા આપવામાં આવી હતી. આ સિદ્ધિ બદલ સંસ્થાના મેનેજીંગ ટ્રસ્ટી પૂ. કપિલ સ્વામી, ડાયરેક્ટર ડૉ. શૈલેષભાઈ લોહાર, ડાયરેક્ટર શ્રી હિતેનભાઈ ઉપાધ્યાય, આચાર્યશ્રી ચંદ્રવદન પટેલ તથા સમગ્ર સ્ટાફે અભિનંદન પાઠવ્યા હતા.
