દમણ-દીવ કોંગ્રેસ પ્રમુખ કેતનભાઈ પટેલે ઉપસ્થિત બંને મહાનુભાવોનું કરેલું ઉષ્મા ભરેલું અભિવાદન
(વર્તમાન પ્રવાહ ન્યુઝ નેટવર્ક) દમણ, તા.14
દમણ-દીવમાં કોંગ્રેસના સભ્ય નોંધણી અભિયાનને વેગવાન બનાવવા માટે આજે કોંગ્રેસના પીઆરઓ શ્રીમતી વિજ્યા લક્ષ્મી દમણની મુલાકાત લઈ કોંગ્રેસી કાર્યકર્તાઓને જરૂરી માર્ગદર્શન આપ્યું હતું. તેમની સાથેએપીઆરઓ શ્રી અશોક બસાયા પણ ઉપસ્થિત રહ્યા હતા.
આ પ્રસંગે દમણ-દીવ કોંગ્રેસ પ્રમુખ શ્રી કેતનભાઈ પટેલે બંને મહાનુભવોનું સ્વાગત કર્યુ હતું અને કોંગ્રેસના ચૂંટણી જનસંપર્ક અધિકારી(પીઆરઓ) શ્રીમતી વિજ્યા લક્ષ્મી અને શ્રી અશોક બસાયાએ કાર્યકર્તાઓ સાથે મુલાકાત કરી મોટી સંખ્યામાં કોંગ્રેસના સભ્યો બનાવવા આહવાન કર્યુ હતું.
અત્રે યાદ રહે કે, શ્રીમતી વિજ્યા લક્ષ્મી સાધો મધ્યપ્રદેશના પૂર્વ મંત્રી હોવા ઉપરાંત તેમના પરિવારના સભ્યો 1952થી ચૂંટણી જીતી વિજેતા બની રહ્યા છે.