(વર્તમાન પ્રવાહ ન્યુઝ નેટવર્ક) સેલવાસ, તા.27
દાદરા નગર હવેલીના દપાડા વાસોણા ગામે એક કંપની સામે કચરા સફાઈ દરમ્યાન કામદારોને એક પીપડામા કોથળામા બાંધેલ હાલતમા લાશ જોઈ હતી. ત્યારબાદ તેઓએ ગામના સરપંચને જાણ કર્યા બાદ પોલીસને પણ જાણ કરવામા આવી હતી.
પોલીસ દ્વારા તપાસ કરતા પીપડામાંથી હાડપિંજર મળી આવ્યું હતું. જેને પીએમ માટે વિનોબાભાવે સિવિલ હોસ્પિટલમાં મોકલવામા આવી હતી. પોલીસ વિભાગના જણાવ્યા અનુસાર આ હાડપિંજરના પીએમ બાદ પુરુષની લાશ હોવાનું સામે આવ્યુ હતુ. જેની અંદાજીત ઉંમર 18 વર્ષથી 30 વર્ષ સુધીની હોવાનુ માનવામા આવે છે અને એક મહિના જુની હોવાનું અંદાજ છે.
પોલીસ વિભાગ દ્વારા હાલમાં પ્રદેશના ગુમસુદાની યાદી તપાસી એની સાથે ગુજરાત અને મહારાષ્ટ્ર પોલીસને પણ જાણકારી આપવામા આવી છે અને સીસીટીવી ફૂટેજો દ્વારા તપાસ હાથ ધરીછે.