સંઘપ્રદેશના આરોગ્ય સચિવ એ.મુથમ્માની પુડ્ડુચેરી બદલીઃ દિલ્હીથી 2012 બેચના આઈ.એ.એસ. અધિકારી એ. ગોપી ક્રિષ્ણાનું સંઘપ્રદેશ આગમન
(વર્તમાન પ્રવાહ ન્યુઝ નેટવર્ક) દમણ, તા.21
સંઘપ્રદેશ દાદરા નગર હવેલી અને દમણ-દીવના પ્રશાસકશ્રીના સલાહકાર શ્રી અનિલ કુમાર સિંઘ અને સંઘપ્રદેશના આરોગ્ય સચિવ શ્રીમતી એ.મુથમ્માની બદલીના આદેશો ભારત સરકારના ગૃહ મંત્રાલય દ્વારા કરવામાં આવ્યા છે.
દાદરા નગર હવેલી અને દમણ-દીવના પ્રશાસકશ્રીના સલાહકાર 1995 બેચના આઈ.એ.એસ. અધિકારી શ્રી અનિલ કુમાર સિંઘની દિલ્હી બદલીનો આદેશ કરાયો છે. તેમના સ્થાને પ્રશાસશ્રીના સલાહકાર તરીકે 2002 બેચના શ્રી વિકાસ આનંદની બદલી કરાઈ છે.
2009બેચના આઈ.એ.એસ. અધિકારી શ્રીમતી એ.મુથમ્માની પુડ્ડુચેરી બદલીનો આદેશ કરાયો છે. તેમના સ્થાને 2012 બેચના શ્રી એ. ગોપી ક્રિષ્ણાને મુકાયા છે.
અત્રે નોંધનીય છે કે, પ્રશાસકશ્રીના સલાહકાર તરીકે નિયુક્ત કરાયેલા 2002 બેચના આઈ.એ.એસ. અધિકારી શ્રી વિકાસ આનંદ ભૂતકાળમાં દીવ અને દમણના કલેક્ટર તરીકેની ફરજ બજાવી ચુક્યા છે.
