(વર્તમાન પ્રવાહ વાપી બ્યુરો)
વાપી, તા.07: વલસાડ જિલ્લામાં કોરોનાએ ફરીથી માથું ઉંચક્યું છે. વલસાડ જિલ્લામાં આજે કોરોનાના 21 નવા કેસ નોંધાતા કુલ એક્ટિવ કેસનો આંક 145 સુધી પહોંચ્યો છે. આજે વલસાડ તાલુકામાં 9, પારડી તાલુકામાં 2, વાપી તાલુકામાં 6, ઉમરગામ તાલુકામાં 2 અને કપરાડા તાલુકામાં 2 કેસ નોંધાયા છે જ્યારે ધરમપુર તાલુકામાં એક પણ કેસ નોંધાયો નથી. આજે વલસાડ જિલ્લામાં કોરોનાના 21 નવા દર્દીઓ નોંધાયા છે અને આજે 22 દર્દીઓ સાજા થતાં તેમને રજા અપાઈ છે.
