(વર્તમાન પ્રવાહ વાપી બ્યુરો)
વાપી, તા.07: રોટરી ક્લબ ઓફ વલસાડ દ્વારા તારીખ 03 જુલાઈના રોજ રોટરી હોલ વલસાડ ખાતે એક બ્લડ ડોનેશન કેમ્પનું આયોજન વલસાડ રક્તદાન કેન્દ્રના સહયોગથી કરવામાં આવ્યું હતું. જેમાં ટોટલ 60 યુનિટ બ્લડ કલેક્ટ કરવામાં આવ્યું હતું. આ સમગ્ર આયોજન પ્રોજેક્ટ ચેરમેન રોટેરિયન ડો.મેહુલ સોલંકી દ્વારા કરવામાં આવ્યું હતું. જેમાં રોટ્રેક્ટ ક્લબ ઓફ વલસાડ, એચડીએફસી બેન્ક, લાયન્સ ક્લબ તિથલ રોડ તથા ઈન્ડિયન મેડિકલ એસોસિએશન વલસાડ બ્રાન્ચએ પણ સક્રિય ભાગ લીધો હતો. આ કેમ્પમાં બિગ પ્લાસ્ટિકના મનોજ જૈન, ઓર્થો ટેકના રો. સુશાંત બેનરજી, લાયન્સ ક્લબના સભ્યો અને એચ.ડી.એફ.સી.ના સભ્યો દ્વારા રકતદાન કરવામાં આવ્યું હતું. પ્રથમ વખત રકતદાન કરવા માટે યુવાનોને પ્રોત્સાહિત કરવાના હેતુથી આ કેમ્પ યોજાયો હતો. આજના કાર્યક્રમમાં રક્તદાતાઓને યાદગીરી રૂપે ગિફટ પણ આપવામાં આવી હતી. રોટરી ક્લબ ઓફ વલસાડના પ્રથમ મહિલા પ્રેસિડેન્ટ સ્વાતિશાહ તથા સેક્રેટરી નિરાલી ગજ્જર દ્વારા આ સમગ્ર આયોજનને સફળ બનાવવા જહેમત ઉઠાવવામાં આવી હતી.
