વલસાડ તા. 8 જુલાઈ
છેલ્લા 20 વર્ષમાં પ્રજાલક્ષી વિકાસના કાર્યો થકી ગુજરાતે વિકાસની હરણફાળ ભરી છે જેની ગાથા રજુ કરતા અને સરકારની કલ્યાણકારી યોજનાની માહિતી જન જન સુધી પહોંચે તે માટે જિલ્લામાં ફરી રહેલી વંદે ગુજરાત વિકાસ યાત્રાનો રથ પાંચમાં દિવસે તા.9 જુલાઈના રોજ એક રથ સવારે પારડી તાલુકામાં જિલ્લા પંચાયતની ડુંગરી બેઠકના ઓરવાડ ગામમાં અને બપોરે રેંટલાવ ગામમાં ફરી સાંજે ગોઈમા બેઠકના ગોઈમા ગામમાં આવશે. જ્યારે બીજો રથ આ જ દિવસે સવારે પારડી તાલુકામાં જિલ્લા પંચાયતની ગોઈમા બેઠક પર ધગડમાળ ગામમાં, બપોરે ઉમરસાડી બેઠકના કિકરલા અને સાંજે ઉદવાડા ગામમાં પહોચશે. આ ગામોમાં લાભાર્થીઓને વિવિધ યોજનાની સહાય વિતરણ કરાશે. સાથે વિકાસ કાર્યોનું લોકાર્પણ અને ખાતમુહૂર્ત પણ કરવામાં આવશે.
