-
કેટલીક જગ્યાએ વૃક્ષો ધરાશાયી થવાની બનેલી ઘટના પરંતુ તાત્કાલિક ફાયર બ્રિગેડ દ્વારા દૂર કરાયેલા અવરોધ -
જિલ્લા કલેક્ટર ડો. તપસ્યા રાઘવના નેતૃત્વમાં ડિઝાસ્ટર ટીમની અત્યાર સુધી રહેલી નેત્રદિપક કામગીરી
(વર્તમાન પ્રવાહ ન્યુઝ નેટવર્ક) દમણ, તા.11
દમણમાં આજે સવારે 8 વાગ્યા સુધી 2.26 ઈંચ અને સવારે 8 વાગ્યાથી સાંજના 5 વાગ્યા સુધી 3.78 ઈંચ વરસાદ વરસતાં ઠેર ઠેર પાણી જોવા મળ્યું હતું.
પ્રાપ્ત માહિતી પ્રમાણે આજે બપોરે 1 વાગ્યા સુધી એટલે કે સવારના 11 થી 1 દરમિયાન માત્ર બે કલાકમાં 27.8એમએમ એટલે કે, 1.09 ઈંચ જેટલો વરસાદ ખાબક્યો હતો.
ઉપરવાસમાં થયેલા ભારે વરસાદના કારણે મધુબન ડેમથી લગભગ દોઢ લાખ ક્યસુેક પાણી છોડવામાં આવી રહ્યું હોવાની જાણકારી આપવામાં આવી છે.
દમણમાં પડેલા વરસાદના કારણે મોટી દમણ ખાતે જ્યુપ્રિમના વેલનેસ હેલ્થ સેન્ટર નજીક અને માછીવાડ ઝાલા પ્લોટ પાસે એક એક ઝાડ ધરાશાયી થયું હતું. જેને ફાયર બ્રિગેડની ટીમે સમયસર હટાવી દીધું હતું.
અત્યાર સુધી દમણ જિલ્લા માટે ગઠિત ડિઝાસ્ટર મેનેજમેન્ટ ઓથોરિટીની ટીમ ખુબ જ સુંદર કામ કરી રહી છે અને સમગ્ર પરિસ્થિતિ ઉપર જિલ્લા કલેક્ટરડો. તપસ્યા રાઘવ અને તેમની ટીમની સીધી નજર છે.
