(વર્તમાન પ્રવાહ ન્યુઝ નેટવર્ક)
સેલવાસ, તા.08: દાદરા નગર હવેલીના મોટા રાંધા ગામે જ્ઞાનદાયીની શ્રી સરસ્વતી માતા તેમજ ભારત માતાના આશીર્વાદથી નૂતન શૈક્ષણિક વર્ષ 2023થી વિદ્યાભારતી, ગુજરાત પ્રદેશ સંચાલિત નેતાજી સુભાષચંદ્ર બોઝ મિલિટરી અકાદમી સૈનિક સ્કૂલનો પ્રારંભ થઈ રહ્યો છે. સંપૂર્ણ સમાજના સહયોગથી પ્રથમ ચરણમાં નિર્માણ પામેલ સૈનિક સ્કૂલના નવીન ભવન તેમજ રમત-ગમતના સંકુલનો વાસ્તુપૂજન કાર્યક્રમ યોજાયો હતો.
આ પ્રસંગે નેતાજી સુભાષચંદ્ર બોઝ મિલિટરી અકાદમી મેનેજમેન્ટ કમિટીના સભ્યો, આર.એસ.એસ. સેલવાસ, વાપી અને વલસાડ સહિતના પ્રતિનિધિઓ તથા રાજકીય પ્રતિનિધિઓ ઉપસ્થિત રહ્યા હતા.
