(વર્તમાન પ્રવાહ ન્યુઝ નેટવર્ક)
સેલવાસ,તા.19: કેન્દ્ર શાસિત પ્રદેશ દાદરા નગર હવેલીમાં ત્રણ ઇંચથી વધુ વરસાદ પડયો છે. સેલવાસમાં 90.6 એમએમ ત્રણ ઇંચથી વધુ વરસાદ પડયો છે. સિઝનનો કુલ વરસાદ 1919.2 એમએમ 76.76 ઇંચ વરસાદ નોંધાયો છે. ખાનવેલ વિસ્તારમાં 37.4 એમએમ એટલે કે એક ઇંચથી વધુ અને સિઝનનો કુલ વરસાદ 1674.3 એમએમ એટલે કે, 66.96 ઇંચ થયો છે. મધુબન ડેમનું લેવલ 70.30 મીટર ડેમમાં પાણીની આવક 37020ક્યુસેક અને પાણીની જાવક 48974 ક્યુસેક છે. સેલવાસ-નરોલી રોડ દમણગંગા નદી પરનો પુલ બંધ રહેવાને કારણે એક જ પુલ પરથી વાહન પસાર થતાં બન્ને તરફ એક કિલોમીટરથી વધુ લાંબી લાઈનો જોવા મળી રહી છે. લોકોની માંગણી છે કે જે સમયે મધુબન ડેમમાંથી વધુ પાણી છોડવામાં આવે તે સમયે જ પુલ બંધ રાખવો જોઈએ જેથી આવી ટ્રાફિક જામની સમસ્યા નહીં રહે યાત્રી નિવાસ નજીકનો જે નવો બ્રિજ બની રહ્યો છે એનું પણ કામ મંથરગતિએ ચાલી રહ્યું હોવાથી જનતા તોબા પોકારી રહી છે જેથી આ કામ જલ્દીથી પૂર્ણ કરવામાં આવે એ જરૂરી છે.