ટૂર્નામેન્ટમાં દમણ કોસ્ટગાર્ડ પ્રથમ, દ્વિતીય સ્થાને મુંબઈ અને તૃતિય સ્થાને ગોવાને મળેલી તક
(વર્તમાન પ્રવાહ ન્યુઝ નેટવર્ક)
દમણ, તા.20: ઈન્ડિયન કોસ્ટગાર્ડ એર સ્ટેશન દમણ દ્વારા તા.19 અને 20 જુલાઈના રોજ વેસ્ટર્ન રિજીનના ગુજરાત, દમણ અને દીવ, મહારાષ્ટ્ર, ગોવા અને કેરલા માટે વાર્ષિક તરણો ચેમ્પિયનશીપનું આયોજન કરવામાં આવ્યું હતું. જેમાં વિવિધ યુનિટ અને હેડ ક્વાટર્સથી કુલ 71 સ્પર્ધકોએ ભાગ લીધો હતો.
ચેમ્પિયનશીપમાં 6 ટીમોની બે શ્રેણી અને 9 ઈવેન્ટ વિવિધ લેન્થ અને સ્ટ્રોકના રાખવામાં આવ્યા હતા. 3 વર્ષના અવકાશ બાદ યોજાયેલી આ સ્પર્ધાનો મુખ્ય હેતુ નૌસૈનિકોની શારીરિક સુસજ્જતા અને મજબૂત સ્પીરીટ વધારવાનો રહ્યો હતો.
આ સ્પર્ધામાં દમણ કોસ્ટગાર્ડ એર સ્ટેશન પ્રથમ સ્થાને અને દ્વિતીય સ્થાને મુંબઈ તથા તૃતિય સ્થાને ગોવા રહ્યું હતું.
પસંદ થયેલા સ્પર્ધકોને કોસ્ટગાર્ડ ઈન્ટર રિજીયન સ્વીમીંગ ચેમ્પિયનશીપ ઓગસ્ટ-2022માં ભાગ લેવાનો સુવર્ણ અવસર મળશે.
