જે.કે. હાઉસમાં યોજાયેલ પ્રચારસભામાં રાજસ્થાન, હરિયાણાના ઉદ્યોગપતિ-ટ્રાન્સપોર્ટર્સ સમાજ અગ્રણીઓ મોટી સંખ્યામાં ઉપસ્થિત રહ્યા
(વર્તમાન પ્રવાહ વાપી બ્યુરો)
વાપી, તા.21: વાપી સહિત પારડી વિધાનસભા મતવિસ્તારમાં ભાજપના ઉમેદવાર નાણામંત્રી શ્રી કનુભાઈ દેસાઈનો ઝંઝાવાતી ચૂંટણી પ્રચાર આરંભાઈ ચૂક્યો છે. નરેન્દ્રભાઈ મોદીના રોડ શો બાદ આજે વાપી મોરાઈ ઈન્ડસ્ટ્રીઝ વસાહતના ટ્રાન્સપોર્ટ નગરમાં કનુભાઈની ચૂંટણી સભા યોજાઈ હતી. તેમાં હરિયાણા-રાજસ્થાન ઉદ્યોગપતિ અને ટ્રાન્સપોર્ટ વ્યવસાઈઓ મોટી સંખ્યામાં ઉપસ્થિત રહ્યા હતા.
મોરાઈ જે. કે. હાઉસમાં આયોજીત થયેલી ચૂંટણી સભામાં ઉદ્યોગપતિઓ અને વેપારીઓ તરફથી ટ્રાન્સપોર્ટ એસોસિએશન પ્રમુખ સંજય શર્મા, હરિયાણા રાજસ્થાન સમાજના પ્રમુખ-ઉપપ્રમુખ તરફથી કનુભાઈ દેસાઈને રાજસ્થાન પાઘડી પહેરી સન્માનવામાં આવ્યા હતા. તેમજ મોટું મતદાન કરીને જીતાડવાનીજાહેરાત કરી હતી. આ પ્રસંગે કનુભાઈએ જણાવ્યું હતું કે, વાપીમાં સુચારૂ ટ્રાન્સપોર્ટ નગરની જરૂરીયાત છે અને ટ્રાન્સપોર્ટર્સની માંગણી પણ છે. જે ટુંક સમયમાં હલ થઈ જશે, જમીન બાબતનો પ્રશ્ન છે તેનું નિરાકરણ આવી જશે અને વાપીમાં ટ્રાન્સપોર્ટ નગર સાકાર થશે. વધુ એકવાર કનુભાઈ દેસાઈએ ટ્રાન્સપોર્ટ નગર માટે જાહેરમાં આશ્વાસન આપ્યું હતું.
