(વર્તમાન પ્રવાહ વાપી બ્યુરો)
વાપી, તા.31
વાપી ભડકમોરા વિસ્તારમાં ચાલીમાં રહેતા મુસ્લિમ પરિવારના મકાનમાં ગતરોજ રાત્રે પરિવાર સુતો રહ્યો હતો ત્યારે તસ્કરો ઘરમાં પ્રવેશી ઘરેણા-મોબાઈલ અને રોકડ રકમ મળી લાખોની મત્તા ચોરી કરી ફરાર થઈ ગયા હતા.
પ્રાપ્ત વિગતો મુજબ વાપી ભડકમોરા સાંઈ તળાવ પાસે આવેલ પ્રવિણભાઈની ચાલીમાં રહેતા મુક્તાર શેખ ગતરોજ પરિવાર સાથે ઘરમાં સુતા હતા તે દરમિયાન તસ્કરોએ કોઈ સાધન વડે દરવાજાનો નકુચો ખોલી ઘરમાં પ્રવેશ્યા હતા. તસ્કરોએ ઘરમાંથી રોકડા રૂા.42 હજાર, પત્ની અને ફરિયાદીના ત્રણ મોબાઈ તતા એક સોનાની ચેઈન મળી લાખોની મત્તા ચોરી અંધારામાં પલાયન થઈ ગયા હતા. શ્રી રામેશ્વર માર્કેટીંગમાં નોકરી કરી રહેલ મુક્તાર શેખના માથે આભલુતૂટી પડયુ હતું. સવાર ઉઠી જોયુ તો ચોરી થયાનું માલુમ પડતા વાપી ટાઉન પો.સ્ટે.માં ફરિયાદ નોંધાવી હતી.
—–
