ગ્રામસભાના નોડલ ઓફિસર અને એસડીપીઓ મન્ની ભૂષણ સિંઘની રહેનારી ઉપસ્થિતિ
ગ્રામસભામાં પ્રશાસક પ્રફુલભાઈ પટેલના દિશા-નિર્દેશ હેઠળ જિલ્લાના રેવન્યુ વિભાગ દ્વારા પંચાયતના ગાંવઠાણ વિસ્તાર માટે તૈયાર કરાયેલા પ્રોપર્ટી કાર્ડનું પણ થનારૂં વિતરણ
(વર્તમાન પ્રવાહ ન્યુઝ નેટવર્ક)
દમણ, તા.04: આવતી કાલે દમણવાડા ગ્રામ પંચાયતના પટાંગણમાં સાંજે4:00 વાગ્યે ‘હર ઘર તિરંગા’ અભિયાન અંતર્ગત વિશેષ ગ્રામસભાનું આયોજન કરવામાં આવ્યું છે. આ ગ્રામસભામાં દમણવાડા ગ્રામ પંચાયતના ખાતેધારકોને તેમના પ્રોપર્ટી કાર્ડનું પણ વિતરણ કરાશે.
પ્રાપ્ત માહિતી પ્રમાણે આવતી કાલે સાંજે 4:00 વાગ્યે યોજાનારી દમણવાડા ગ્રામ પંચાયતની ગ્રામસભામાં નોડલ ઓફિસર અને સબ ડીવીઝનલ પોલીસ ઓફિસર (એસડીપીઓ) શ્રી મન્ની ભૂષણ સિંઘ ઉપસ્થિત રહેશે.
આ વિશેષ ગ્રામસભામાં ‘હર ઘર તિરંગા’ અભિયાનની સમજણ આપવામાં આવશે અને પ્રશાસક શ્રી પ્રફુલભાઈ પટેલના દિશા-નિર્દેશ હેઠળ જિલ્લાના રેવન્યુ વિભાગ દ્વારા પંચાયતના ગાંવઠાણ વિસ્તાર માટે તૈયાર કરાયેલા પ્રોપર્ટી કાર્ડનું પણ વિતરણ કરવામાં આવશે. આ વિશેષ ગ્રામસભામાં 13મી ઓગસ્ટથી 15મી ઓગસ્ટ દરમિયાન યોજાનાર ‘હર ઘર તિરંગા’ અભિયાન અને પંચાયત દ્વારા થઈ રહેલા અને થનારા વિવિધ વિકાસ કામોની પણ જાણકારી આપવામાં આવશે. આ વિશેષ ગ્રામસભામાં મોટી સંખ્યામાં ઉપસ્થિત રહેવા ગ્રામજનોને સરપંચ શ્રી મુકેશ ગોસાવી દ્વારા અપીલ કરવામાં આવી છે.
