દમણ આદિવાસી સમાજમાં ઉત્સાહ અને ઉમંગની લાગણીઃ બાઈક રેલીમાં પણ આદિવાસી સમાજે બતાવેલી જાગૃતિ
(વર્તમાન પ્રવાહ ન્યુઝ નેટવર્ક)
દમણ, તા.08: આવતી કાલે તા.9મી ઓગસ્ટના ‘વિશ્વ આદિવાસી દિવસ’ના ઉપલક્ષમાં દમણ જિલ્લા પ્રશાસન દ્વારા દમણ જિલ્લા આદિવાસી સમાજના સહયોગથી નાની દમણના સ્વામી વિવેકાનંદ ઓડિટોરિયમમાં એક સમારંભનું આયોજન કરાયું છે. સવારે 10:30 વાગ્યે શરૂ થનારા કાર્યક્રમમાં મુખ્ય અતિથિ તરીકે જિલ્લા કલેક્ટર ડો. તપસ્યા રાઘવ ઉપસ્થિત રહે એવી સંભાવના છે.
દમણમાં આંતરરાષ્ટ્રીય આદિવાસી દિવસની ઉજવણીને લઈને સમસ્ત આદિવાસી સમુદાયમાં આનંદ અને ઉમંગની લાગણી ફેલાઈ છે. ગઈકાલે યોજાયેલી બાઈક રેલીમાં પણ આદિવાસી સમાજે ખુબ જ ઉત્સાહપૂર્વક ભાગલીધો હતો.