November 30, 2025
Vartman Pravah
Breaking Newsગુજરાતડિસ્ટ્રીકટવલસાડવાપી

વલસાડ રવિવારી બજારમાં ગણપતિ ફાળા માટે મારામારી થઈઃ 50ની રસીદ સામે 100 ઉઘરાવાતા હતા

ગણપતિ મહોત્‍સવ નજીકમાં આવી રહ્યો છે : ફાળા ઉઘરાણીનું નેટવર્ક બેફામ ચલાવાઈ રહ્યું છે

(વર્તમાન પ્રવાહ વાપી બ્‍યુરો)
વાપી, તા.08: વલસાડમાં રવિવારી બજારમાં ગણપતિ ફાળો ઉઘરાવવા મામલે મારામારી થઈ હતી. ફાળો નહીં આપનાર ફેરીવાળાને ફાળો ઉઘરાવવા આવેલ અજાણ્‍યા ઈસમોએ ઢોર માર મારતા બજારમાં મામલો બીચકાયો હતો.
વલસાડ સ્‍ટેડિયમ રોડ ઉપર રવિવારી બજાર છે. ગ્રામ્‍ય વિસ્‍તારના લોકો આ બજારમાં મોટા પ્રમાણમાં ખરીદી કરવા આવતા હોય છે તેથી ફેરી અને પથારાવાળા નાના મોટા વેપારીઓ વેપાર કરે છે. આ રવિવારી બજારમાં ગતરોજ કોઈ અજાણી ટોળકી વાઉચર-રસીદો લઈ ગણપતિ મહોત્‍સવના ફાળાની ઉઘરાણી શરૂ કરી હતી. ટોળકીના ઈસમો 100 રૂા. ઉઘરાવી 50 રૂા.ની રસીદ આપતા હતા, જેમને વકરો-વેપાર થયો હતો તેઓ ફાળો આપી રહ્યા હતા પરંતુ બોણી ના થઈ હોય તેવા ફેરીવાળાએ ફાળા નહી આપતા અજાણ્‍યા ફાળો ઉઘરાવવા આવેલ ટોળકી પેલા વેપારીને જાહેરમાં ઢોર માર મારી ધોઈ નાખ્‍યો હતો. ઘટના બાદ ગણપતિનો ફાળો ઉઘરાવનારા પલાયન થઈ ગયા હતા. ઘટનાની જાણ થતા સીટી પોલીસ દોડી આવી હતી. ફાળો ઉઘરાવતા ઈસમોની શોધખોળ હાથ ધરી હતી.ગણપતિ મહોત્‍સવને બહાને અસામાજીક તત્ત્વો ફાળાની ઉઘરાણી કરવા બિલાડીના ટોપની જેમ દર વર્ષે નિકળતા હોય છે.

Related posts

વલસાડ જિલ્લામાં ભારત માતાનું પૂજન અને શહીદ પરિવારોના સન્‍માનના કાર્યક્રમોનું આયોજન

vartmanpravah

વલસાડ જિલ્લાની તમામ અદાલતોમાં 14મી સપ્‍ટેમ્‍બરે નેશનલ લોકઅદાલત યોજાશે

vartmanpravah

અ.ભા.વિ.પી.ની ઐતિહાસિક જીવન ગાથા ઉપર આધારિત પુસ્‍તકની સંઘપ્રદેશના કાર્યકર્તાઓએ પ્રશાસકશ્રીને આપેલી ભેટ

vartmanpravah

નરોલી એરોકેર કંપનીમાં કામ કરતા કર્મચારીએ ગળે ફાંસો લગાવી કરેલી આત્‍મહત્‍યા

vartmanpravah

વાપીમાં દાનહની કવિયત્રી ડૉ.શાલીની શર્માનો સમ્‍માન સમારોહ અને કવિ સંધ્‍યા યોજાઈ

vartmanpravah

ચીખલીના કુકેરી ગામે શાંતાબા વિદ્યાલયમાં દાતાઓના યોગદાનથી નિર્માણ થનાર કુમાર છાત્રાલયનું ખાતમુહૂર્ત કરાયું

vartmanpravah

Leave a Comment