February 13, 2025
Vartman Pravah
Breaking Newsડિસ્ટ્રીકટદમણદીવદેશ

દમણ જિલ્લા પંચાયત કચેરીમાં 76મા સ્‍વતંત્રતા દિવસની કરાયેલી ઉજવણી

દેશના વિકાસમાં તમામ નાગરિકોએ સહભાગી બનવા જિ.પં. પ્રમુખ નવિનભાઈ પટેલની હાકલ

(વર્તમાન પ્રવાહ ન્‍યુઝ નેટવર્ક)
દમણ, તા.17: દમણ જિલ્લા પંચાયત ખાતે 76મા સ્‍વતંત્રતા દિવસની રંગેચંગે ઉજવણી કરવામાં આવી હતી. જિલ્લા પંચાયત પ્રમુખ શ્રી નવિનભાઈ પટેલે રાષ્‍ટ્રધ્‍વજ ફરકાવી સલામી આપી હતી અને પ્રદેશની તમામ જનતાને સ્‍વંત્રતા દિવસની શુભકામના પાઠવી હતી.
આ પ્રસંગે જિ.પં. પ્રમુખ શ્રી નવિનભાઈ પટેલે તેમના ઉદ્‌બોધનમાં જણાવ્‍યું હતું કે, આઝાદી માટે દેશના અનેક નામી-અનામી વીર સપૂતોએ વર્ષો સુધી અતિ કઠીન યાતનાઓ વેઠી પોતાના પ્રાણોનું બલિદાન આપ્‍યું હતું અને તે સૌના અથાક પ્રયાસો થકી જ આપણને મહામૂલ્‍ય સ્‍વતંત્રતા મળી છે. ત્‍યારે આજના દિવસે તે તમામ વીર સપૂતોને નતમસ્‍તક વંદન કરીએ.
શ્રી નવિનભાઈ પટેલે વધુમાં જણાવ્‍યું હતું કે, સરકાર પ્રજા પર શાસન કરવા માટે નથી પરંતુ પ્રજાની સેવા માટે છે. તેવો વિચાર આપનારા આપણા યશસ્‍વી વડાપ્રધાન શ્રી નરેન્‍દ્રભાઈ મોદીના નેતૃત્‍વમાં સંઘપ્રદેશ દમણ-દીવ અને દાદરા નગર હવેલી પ્રશાસન પણ વડાપ્રધાનશ્રીના આવિચારને આત્‍મસાત કરવાને લોક કલ્‍યાણના કાર્યો અને વિવિધ યોજનાઓ થકી સેવા કરી રહી છે. આજના પાવન પ્રસંગે ઉપસ્‍થિત સૌને દેશના જવાબદાર નાગરિક બનીને દેશના વિકાસમાં યથાશક્‍તિ ફાળો આપી ભારત માતાને પરમ વૈભવના શિખરે પહોંચાડવા માટે કટિબધ્‍ધ બનવા માટે જિ.પં. પ્રમુખ શ્રી નવિનભાઈ પટેલે દમણના સૌ નાગરિકોને આહવાન કર્યું હતું.

Related posts

દાનહ લોકસભા બેઠકના ભાજપના ઉમેદવાર બનતા કલાબેન ડેલકરઃ ડેલકર જૂથના કાર્યકર્તાઓમાં આનંદની લહેર: વરસોથી ભાજપને વફાદાર રહેલા સંનિષ્‍ઠ કાર્યકરો હતાશ

vartmanpravah

શ્રાવણ માસમાં માઁ વિશ્વંભરી તીર્થયાત્રા ધામે દર્શનાર્થીઓની ભીડ ઉમટી

vartmanpravah

સ્‍વાધ્‍યાય મંડળ કિલ્લા પારડી સંચાલિત શ્રી બ્રહ્મર્ષિ સાતવળેકર સંસ્‍કૃત મહાવિદ્યાલયના પ્રથમ વર્ષમાં 27 ઋષિકુમારોના પ્રવેશોત્‍સવ સાથે ગુરુકુળની તેજસ્‍વી પરંપરાને મળેલી ગતિ

vartmanpravah

સખી-વન સ્‍ટોપ સેન્‍ટર યોજના અંતર્ગત જિલ્લા કક્ષાની મુલ્‍યાંકન સમિતિની બેઠક મળી

vartmanpravah

લોહી પૂરું પાડનાર સ્‍વૈચ્‍છિક સંસ્‍થાઓ, ઈમર્જન્‍સી લોહી આપનારા તથા સૌથી વધુ વખત લોહી આપનારા વ્‍યક્‍તિઓનો માનવ આરોગ્‍ય સેવા કેન્‍દ્ર દ્વારા સન્‍માન સમારોહ યોજાયો

vartmanpravah

વાપી ચાર રસ્‍તા ઉપર યુવાનની કરપિણ હત્‍યાનો ભેદ ઉકેલાયો : કુહાડીથી ઘા કરનાર મુખ્‍ય આરોપી હજુ ફરાર

vartmanpravah

Leave a Comment