ફાટક બંધ રહેતા સેંકડો વાહન ચાલકો અટવાયા : વ્હિલ સમારકામ બાદ ટ્રેન રવાના થઈ હતી
(વર્તમાન પ્રવાહ વાપી બ્યુરો)
વાપી, તા.23: મુંબઈથી પોરબંદર તરફ જઈ રહેલ એક્સપ્રેસ ટ્રેન વાપી છોડયા બાદ ડબ્બાના વ્હિલમાં ખામી સર્જાતા ટ્રેન કલાકો સુધી પારડી રેલવે ફાટક વચ્ચે જ અટકી પડી હતી. જેથી ભારે ટ્રાફિક જામ સાથે સેંકડો લોકો કલાકો સુધી અટવાયા હતા.
વિગતો મુજબ મુંબઈ-પોરબંદર જતી એક્સપ્રેસ ટ્રેન આજે મંગળવારે બપોરે વાપીથી આગળ વધી રહી હતી ત્યારે અચાનક ડબ્બાના વ્હિલમાં ખામી સર્જાતા પાયલોટે બ્રેક મારી દેતા પારડી ફાટક વચ્ચોવચ ટ્રેન થોભી ગઈ હતી. તેથી ફાટકની અવરજવર બંધ થઈ જતા સેંકડો વાહન ચાલકો, વિદ્યાર્થી, વેપારી, નાગરિકો અટવાઈ પડયા હતા. જેમાં એક-દોઢ કલાક જેટલો સમય વિત્યો છતાં ટ્રેન આગળ વધતી જ નથી. લોકો અકળાયા હતા. અંતે વ્હિલની મરામત બાદ ટ્રેન આગળવધતા લોકોએ રાહતનો શ્વાસ લીધો હતો.
—–
