સોનલબેને પટેલે દમણ અને દીવના લોકોને મુક્તિદિન પાઠવેલી શુભેચ્છા
(વર્તમાન પ્રવાહ ન્યુઝ નેટવર્ક)
દમણ, તા. 19
સંઘપ્રદેશ દમણ-દીવના 61માં મુક્તિ દિન નિમિત્તે દમણ નગર પાલિકા ખાતે નગર પાલિકા પ્રમુખ શ્રીમતી સોનલબેન પટેલ દ્વારા ધ્વજારોહણ કરવામાં આવ્યું હતું.
આ અવસરે નગરપાલિકાના પ્રમુખ શ્રીમતી સોનલબેન પટેલે દમણની જનતાને મુક્તિ દિનની શુભકામનાઓ પાઠવી હતી. આ પ્રસંગે પાલિકા પ્રમુખ, અને કાઉન્સિલરોએ ઉપસ્થિત નગરપાલિકાના તમામ સ્ટાફ સહિત દમણ-દીવવાસીઓને અભિનંદન અને શુભેચ્છા પાઠવી હતી.
આ પ્રસંગે ડીએમસી પ્રમુખ શ્રીમતી સોનલબેન પટેલ, ડીએમસી સીઓ શ્રી અરુણ ગુપ્તા, કાઉન્સિલર શ્રી અસ્પી દમણિયા, શ્રી સોહિના રજનીકાંત પટેલ, રશ્મિબેન હળપતિ, નયના વાલોબો, શ્રીમતી ચંડોક જસવિન્દરરણજીત સિંહ, ડીએમસી સ્ટાફ હાજર રહ્યો હતો.
