કોલેજના જી.એસ. તરીકે અર્પણ નાયક તથા એલ.આર. તરીકે ટ્વીષા પટેલની નિમણૂંક થઈ હતી : પ્રતિનિધિઓએ પ્રતિજ્ઞા લીધી
(વર્તમાન પ્રવાહ વાપી બ્યુરો)
વાપી, તા.29: વાપી આર.કે. દેસાઈ કોલેજ ઓફ એજ્યુકેશનમાં યુનિવર્સિટીના ધારાધોરણ હેઠળ આજે વિદ્યાર્થી પ્રતિનિધિ મંડળની ચૂંટણી યોજાઈ હતી. જેમાં જી.એસ., એલ.આર. સહિત વિવિધ વિભાગોના મંત્રીઓની વરણી કરાઈ હતી.
કોલેજમાં યોજાયેલ ચૂંટણીમાં જી.એસ. (સામાન્ય મંત્રી) તરીકે અર્પણ નાયક તથા એલ.આર. તરીકે ટ્વીષા પટેલ અન્ય મંત્રીઓમાં પ્લાનિંગ ફોરમ મંત્રી તરીકે ભાવના ધુમાડા, નાણા સમિતિ મંત્રી તરીકે કેની પટેલ, પ્રાર્થના સંમેલન મંત્રી હિતેશ નાયકા, પ્રવાસન મંત્રી પ્રિયા પટેલ, સાંસ્કૃતિક મંત્રી તરીકે સિધ્ધિ પટેલ, અભ્યાસિક મંત્રી તરીકે પ્રિયા સિંઘ, સોશિયલ મીડિયા મંત્રી તરીકે રાહુલ પટેલ, પર્યાવરણ મંત્રી સાયરાખાન, જીમખાના મંત્રી ભાવેશ પટેલ સહિત મેગેઝીન મંત્રી ચિત્ર પટેલ આ તમામ ચૂંટાયેલા વિદ્યાર્થી પ્રતિનિધિ જાહેર કરાયા હતા. ચૂંટણી પ્રક્રિયા જ આયોજન અને સંચાલન પ્રા.અક્ષય ટંડેલે કર્યું હતું. સંસ્થાના ચેરમેન શ્રી નિલનભાઈ દેસાઈ, આચાર્ય ડો.પ્રિતિ ચૌહાણએ સર્વને અભિનંદન પાઠવ્યા હતા.