ચાલક દિપક જેસીંગ ભરવાડ રહે.ચણોદની અટક : પોલીસે રૂા.4.24 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.04: વલસાડ એલ.સી.બી. સ્ટાફને મળેલી બાતમી આધારે ઓરવાડ હાઈવે ઉપર વોચગોઠવી સેન્ટીંગ પતરાની આડમાં દારૂનો જથ્થો ભરેલ ટેમ્પો ઝડપી પાડયો હતો.
એલ.સી.બી.ને બાતમી મળી હતી કે વાપી વિશાલ મેઘા માર્ટ પાસેથી દારૂનો જથ્થો ભરાવાઈ રહ્યો છે. ત્યારબાદ ઓરવાડ હાઈવે ગીરીરાજ હોટલ પાસેથી બાતમી વાળો ટેમ્પો નં.જીજે 15 એટી 5449ને અટકાવી ચેકીંગ કરતા ટેમ્પામાં સેન્ટીંગ પતરા નીચે દારૂના બોક્ષ છુપાવેલા મળ્યા હતા. ચાલક દિપક જેસીંગ ભરવાડની અટક કરી પૂછપરછ કરતા જણાવેલ કે દારૂનો જથ્થો મિનેશ કિશોર હળપતિ રહે.ચણોદ મોહન નગરએ ભરાવેલો પોલીસે તેને વોન્ટેડ જાહેર કરી દારૂની બોટલ નંગ1591 કિં. રૂા.1.20 લાખ, ટેમ્પો-મોબાઈલ મળી કુલ રૂા.4.24 લાખનો મુદ્દામાલ જપ્ત કરી વધુ તપાસ માટે પારડી પોલીસને સોંપવામાં આવ્યો હતો.