(વર્તમાન પ્રવાહ ન્યુઝ નેટવર્ક)
પારડી, તા.04: વલસાડ જિલ્લા તથા પારડી શહેર ભાજપ દ્વારા પારડીના ધીરુભાઈ સતસંગ હોલ ખાતે એક નિઃશુલ્ક મેગા મેડિકલ કેમ્પનું આયોજન કરવામાં આવ્યું હતું.
શહેરનાﾠલોકોને આરોગ્ય લક્ષી તમામ સેવાઓ, નિદાન સારવાર અને દવાઓ નિઃશુલ્ક મળી રહે એવા ઉમદા હેતુસર આ કેમ્પનું આયોજન કરવામાં આવ્યું હતું. જેમાં મોટી સંખ્યામાં દર્દીઓએ આવીﾠલાભ લીધો હતો.
વલસાડ જિલ્લા ભાજપ ડોક્ટર સેલ દ્વારાﾠપારડી શહેરભાજપના સહયોગથી રવિવારના રોજ ધીરુભાઈ સત્સંગ હોલ ખાતે નિઃશુલ્ક યોજાયેલા આ મેડિકલ કેમ્પમાં વલસાડના ખ્યાતનામ સુપર સ્પેશિયાલિસ્ટ, સ્પેશિયાલિસ્ટ, ફેમિલી ફિજીસીયન ડોકટરોએ ફિજીશિયન સારવાર, નાના બાળકોની સારવાર, દાંતની સારવાર, જનરલ સારવાર,સ્ત્રીઓની તપાસ, ગાયનોલોજિસ્ટ ડોકટરો દ્વારાસ્ત્રીઓની સારવાર તથા જરૂરી દવાઓ નિઃશુલ્ક આપવામાં આવ્યા હતા.
જેમાં શહેરના ખ્યાતનામ ડોક્ટર ડો. પ્રફુલ મહેતા, ડો. તપન દેસાઈ, ડો. લતેશ પટેલ, ડો. ભાવેશ દેસાઈ, ડો. દેવાંશી દેસાઈ, ડો. હર્ષિકા, ડો. અભિરાજ સિંહ ઠાકોર, ડો. જિગના દલવાડી, સહિતના જાણીતા ડોકટરોએﾠસેવા આપી હતી.
આ કેમ્પને સફળ બનાવવા શહેર ભાજપ પ્રમુખ રાજેશભાઈ પટેલ, સહિત ભાજપના અગ્રણી ધર્મેશ મોદી, સંજય બારિયા, અશોક પ્રજાપતિ સહિતના અગ્રણીઓ ઉપસ્થિત રહી આ કેમ્પ સફળ બનાવ્યો હતો.
——
