(વર્તમાન પ્રવાહ ન્યુઝ નેટવર્ક)
સેલવાસ,તા.04: દાદરા નગર હવેલીના સામરવરણી ગામે આવેલ અવર લેડી ઓફ હેલ્પ ઈંગ્લીશ સ્કૂલના સંચાલક અને શિક્ષક દ્વારા એક ગરીબ સગીર બાળકી ઉપર દુષ્કર્મ કરી ગુરુ શિષ્યની પરંપરાને કલંકિત કરનાર શાળા સંચાલક અને શિક્ષકનો વિરોધ કરવા દાદરાનગર હવેલી અને દમણ દીવ ભારતીય જનતા પાર્ટી દ્વારા શાળાના વાલીઓ સાથે કેન્ડલ માર્ચ યોજી આક્રોશ વ્યક્ત કરવામા આવ્યો હતો. આ કેન્ડલ માર્ચ સેલવાસ શહીદચોકથી નીકળી કિલવણી નાકા થઈ ઝંડાચોક આઝાદી સ્મારક ખાતે પૂર્ણ કરવામાં આવી હતી. આ કેન્ડલ માર્ચમાં પ્રદેશ ભાજપ પ્રમુખ શ્રી દીપેશ ટંડેલ, અન્ય પદાધિકારીઓ, સામાજીક સંગઠનો, વેપારીઓ, વાલીઓ જોડાયા હતા.
