(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.14: નવસારી એલસીબીપોલીસ ચીખલી વિસ્તારમાં પેટ્રોલિંગમાં હતી. દરમ્યાન ખાનગી બાતમી મળી હતી કે એક વોકસવેગન વેન્ટો કાર નં. એમએચ-01-એવી-7028માં સેલવાસથી દારૂનો જથ્થો ભરી નાનાપોઢા થઈ રાનકુવા થી અંદરના રસ્તે જોગવાડ થઈ સુરત તરફ જનાર છે.અને જેનું પાઈલોટિંગ સફેદ કલરની સ્વીફટ નં-ડીડી-03-યુ-0041 કરનાર છે. જે હકીકત બાતમીના આધારે એલસીબી પોલીસે જોગવાડથી કાંકરિયા જતા જાહેર રોડ ઉપર અંબિકા નદીના પુલ પહેલા વોચ ગોઠવી હતી. દરમ્યાન બાતમી મુજબની સ્વીફટ કાર આવતા જેને રોકતા પાછળથી આવી રહેલ વોકસવેગન કાર ચાલકે પોલીસની નાકાબંધી જોઈ કાર હંકારી મુકતા ઝાડ સાથે અકસ્માત થતા કારની અંદર બેસેલ શખ્સો ભાગવા જતા પોલીસે ઝડપી પાડ્યા હતા. બાદ વોકસવેગન વેન્ટો કારની તલાસી લેતા અંદરથી વિદેશી દારૂની નાની મોટી બોટલ નંગ-1344 જેની કિંમત રૂ.1,10,400/-, બે કાર કિંમત રૂા. 8,50,000/-, બે નંગ મોબાઈલ કિં. રૂા.10,000/- ગણી કુલ્લે રૂા.9,70,000/-નો મુદ્દામાલ કબ્જે કરી દારૂનું વહન કરતા પ્રિયંક મુકેશભાઈ પટેલ (નાની તંબાડી, કોળીવાડ પટેલ ફળીયું તા.પારડી જી.વલસાડ), સ્નેહલ કીર્તિભાઈ પટેલ (રહે.અંબાચ ગામ ભાણીયા ફળિયું, તા.પારડી જી.વલસાડ), મનિષા ઈશ્વરભાઈ પટેલ (રહે.રોહિણા ગામ લાખણ ફળિયુંતા.પારડી જી.વલસાડ)ને ઝડપી પાડ્યા હતા. જ્યારે દારૂનો જથ્થો આપનાર પ્રતિક ઉર્ફે પડીયો ધો.પટેલ (રહે.સેલવાસ) તેમજ દારૂનો જથ્થો મંગાવનાર અવિનાશ ઉર્ફે અવી, મહેન્દ્ર ઉર્ફે ડેંગો કાંતુભાઈ પટેલ (બન્ને રહે. શેખપુર ગામ તા.મહુવા જી.સુરત)ને વોન્ટેડ જાહેર કરી વધુ તપાસ બીલીમોરા પોલીસ કરી રહી છે.
