નવસારી જ્યુડિશિયલ જેલમાં બબીતાને પ્રસવ પીડા ઉપડતા સિવિલમાં ખસેડાઈ હતી
(વર્તમાન પ્રવાહ વાપી બ્યુરો)
વાપી, તા.18: વલસાડની ચકચારી વૈશાલીબલસારા હત્યા પ્રકરણની મુખ્ય આરોપી બબીતાાન રિમાન્ડ પુરા થતા નવસારી જ્યુડિશિયલ જેલમાં પોલીસે મોકલી આપી હતી. જ્યાં ગતરોજ બબીતાને પ્રસવની પીડા ઉપડતા નવસારી સિવિલમાં ખસેડાઈ હતી. સિવિલમાં પૂત્રીને જન્મ આપ્યો છે.
વલસાડની સિંગર વૈશાલી બલસારા પાસે તેની મિત્ર બબીતાએ 25 લાખ લીધા હતા. જે આપવાના પડે તે માટે બબીતાએ તેના ફેસબુક ફ્રેન્ડને રૂા.8 લાખ આપી હત્યાનું કાવતરું કર્યું હતું. પાર નદી પાસે અવાવરૂ જગ્યામાં બબીતાએ રૂપિયા આપવા વૈશાલીને બોલાવી હતી અને બાદમાં કોન્ટ્રાક્ટ સોપારી લીધેલ ત્રણ આરોપીઓએ કારમાં વૈશાલીની હત્યા કરી ભાગી છૂટયા. વલસાડ પોલીસ એક પછી એક એમ ત્રણેય હત્યાના આરોપીઓને પંજાબ, હરિયાણાથી દબોચી લીધા હતા. જેમાં મુખ્ય આરોપી બબીતાનો ભાંડો ફૂટી ગયેલો. પોલીસ અટક કરી રિમાન્ડ બાદ બબીતાને નવસારી જેલમાં મોકલી આપી હતી. ત્યાં પ્રસુતિની પીડા ઉપડતા સિવિલમાં પૂત્રીનો જન્મ થયો હતો. ચકચારી વૈશાલી બલસારાની હત્યાનો ભેદ પોલીસે માત્ર ગણતરીના દિવસોમાં ખોલી દીધો હતો. બબીતાએ હત્યા કરવા માટે રૂા.8 લાખની સોપારી તેના ફેસબુક ફ્રેન્ડને આપી હતી. પ્લાન મુજબ કારસો ગોઠવાઈ ગયો હતો. તેમાં વૈશાલીની હત્યા કરી દેવાઈ હતી.
