ઘટનાની જાણ થતાં ફાયર ટીમ પહોંચી આગ કાબૂમાં કરી
(વર્તમાન પ્રવાહ ન્યુઝ નેટવર્ક)
પારડી, તા.22: પારડી નેશનલ હાઈવે 48 પરથી રાત્રીના સમયે એક ભારત બેંઝ ટ્રક નંબર જીજે-03- એએક્સ-7455 લોખંડનો ભંગાર ભરી પસાર થઈ રહી હતી, જે ચાલુ ટ્રકના કેબિનમાં અચાનક ધુમાડો નીકળતા ચાલકે ટ્રક ઉભી રાખી હતી અને ચાલક કશું સમજે તે પહેલા ટ્રકના કેબિન ભાગે આગ પકડી લીધી હતી, જેને લઈ હાઈવે પર ટ્રાફિક જામ અને દોડધામના દ્રશ્યો સર્જાય ગયા હતા, જેની જણા પારડી પોલીસને કરવામાં આવતા પારડી પોલીસથી ટ્રાફિક પોલીસ કર્મી પરેશભાઈ સહિતના પોલીસ કર્મી અને પારડી નગર પાલિકાની ફાયર ટીમના દિવ્યેશભાઈ પટેલ, રીંકુ ટ્રેલર ચંદ્રપાલ પટેલ, દોડી આવી પાણી મારો શરૂ કર્યો હતો અને આ આગ આખી ટ્રકમાં ફેલાઈ તે પહેલા કાબૂમાં લેવામાં સફળતા મળી હતી. ઘટનાને પગલે પહોંચેલી પોલીસે ટ્રાફિક જામ હળવો કર્યો હતો.
