(વર્તમાન પ્રવાહ ન્યુઝ નેટવર્ક)
વલસાડ, તા.૨૦: ગુજરાત સરકારશ્રીના રમત-ગમત યુવા અને સાંસ્કૃતિક પ્રવૃત્તિઓ વિભાગ દ્વારા આયોજીત જિલ્લા યુવા વિકાસ અધિકારી, વલસાડ દ્વારા સંચાલિત જિલ્લાકક્ષા બાળ પ્રતિભા શોધ તથા જિલ્લા કક્ષા બાળ નાટ્ય અને નૃત્ય નાટિકા સ્પર્ધા ૨૦૨૨-૨૩ નું તા.૧૯મી ઓક્ટોબર, ૨૦રર ના રોજ બી.એ.પી.એસ.સ્વામિનારાયણ વિદ્યામંદિર અબ્રામા ખાતે યોજાઈ હતી. “અ” વિભાગ ૭ થી ૧૦ વર્ષ સુધી, “બ” વિભાગ ૧૧ થી ૧૩ વર્ષ સુધીના કલાકારો માટે આ બે વિભાગ માટે વકતૃત્વ, નિબંધ,ચિત્રકળા, સર્જનાત્મક કારીગીરી, લગ્નગીત, લોકવાધ સંગીત, એક-પાત્રીય અભિનય એમ કુલ ૭ સ્પર્ધાઓ તથા ખુલ્લો વિભાગ ૭ થી ૧૩ માટે દોશ-છંદ-ચોપાઈ, લોકવાર્તા, લોકગીત, ભજન, સમૂહગીત,લોકનૃત્ય એમ કુલ ૬ કૃતિઓની સ્પર્ધા તથા ૭ થી ૧૩ વર્ષના જિલ્લા કક્ષા બાળ નાટ્ય સ્પર્ધા આયોજન કરવામાં આવ્યું હતું. જેમાં વલસાડ જિલ્લાના કલાકારોએ ઉત્સાહભેર ભાગ લીધો હતો જિલ્લા કક્ષામાં પ્રથમ વિજેતા થયેલ કલાકારો દક્ષિણ ઝોન કક્ષામાં ભાગ લેશે.