(વર્તમાન પ્રવાહ ન્યુઝ નેટવર્ક)
સેલવાસ,તા.31: દાદરા નગર હવેલી પોલીસ વિભાગ દ્વારા રાષ્ટ્રીય એકતા દિવસ નિમિત્તે કિલવણી નાકાથી કલા કેન્દ્ર હોલ સુધી પરેડનું આયોજન કરવામાં આવ્યું હતું. આ પ્રસંગે દાનહના એસ.પી. શ્રી રાજેન્દ્ર પ્રસાદ મીણા, એસ.ડી.પી.ઓ. શ્રી સિદ્ધાર્થ જૈન, એસ.એચ.ઓ. શ્રી અનિલ ટી.કે., પોલીસના જવાનો, આઈ.આર.બી.ના જવાનો, ફાયર વિભાગના જવાનો તથા હોમગાર્ડ્સ વગેરે ઉપસ્થિત રહ્યા હતા.
પરેડ કાર્યક્રમની શરૂઆત શરૂઆત કિલવણી નાકા ખાતે દાનહના એસ.પી. શ્રી રાજેન્દ્ર પ્રસાદ મીણાને ગાર્ડ ઓફ ઓનર આપીને કરવામાં આવી હતી. આજના રાષ્ટ્રીય એકતા દિવસ નિમિત્તે દાનહ પોલીસ વિભાગ દ્વારા યોજાયેલી પરેડમાં પોલીસના જવાનો, આઈ.આર.બી.ના જવાનો, ફાયર વિભાગના જવાનો તથા હોમગાર્ડ્સના દળોએ ઉત્સાહભેર ભાગ લીધો હતો.