(વર્તમાન પ્રવાહ ન્યુઝ નેટ
વર્ક)
સેલવાસ, તા.05
દાદરા નગર હવેલીના ઉમરકૂઈ ગામે આવેલ એક કંપનીમાંથી કંપનીમાં જ કામ કરતા કામદારો 30 બંડલ તારની ચોરી કરી ગયા હતા જે અંગેની ફરિયાદ કિશનસિંહ હુકમસિંહ દહિયા સિસ્ટમેટિક ઇન્ડિયા પ્રાઇવેટ લિમિટેડ કંપનીના મેનેજરે નોંધાવી હતી.
સેલવાસ પોલીસે આઈપીસી 381, 34 મુજબ ગુનો નોંધી તપાસહાથ ધરી હતી. કંપની દ્વારા નિર્મિત બે લાખના જસ્તી તારના 30 બંડલો ચોરી થયા હતા. આ ઘટનામાં પોલીસે કંપનીમાં જ કામ કરતા ઓમકારનાથ પ્રયાગદત્ત ડૂબે (ઉ.વ.50) રહેવાસી સરીગામ, આશિષ સુભાષ ગુપ્તા (ઉ.વ.27) રહેવાસી ભીલાડ જેઓએ જૈનુલ ઉર્ફે નવાબ અય્યુબ ખાન (ઉ.વ.29) રહેવાસી બાવીસા ફળીયા જેની સાથે ચોરીને અંજામ આપ્યો હતો. ત્રીજા આરોપીને પણ શોધી કાઢી ત્રણે આરોપીઓની ધરપકડ કરવામાં આવી હતી અને તેઓ પાસેથી રૂા.1,53,333ની મૂલ્યના ચોરી કરવામાં આવેલ જસ્તી તારના 23 બંડલ જપ્ત કરવામાં આવ્યા હતા. આ અંગેની વધુ તપાસ સેલવાસ પોલીસ કરી રહી છે.
