(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.15: ચીખલી તાલુકાના હરીઓમ વડાપાઉંની લારી સામે જાહેર રોડ ઉપર એસીબીએ રૂા.30,000ની લાંચ લેતા નવસારી જીલ્લા નિરીક્ષક જમીન દફતરની કચેરીના સર્વેયરને રંગેહાથે ઝડપી પાડી તપાસ હાથ ધરી છે. જમીન માપણી સીટ આપવાની લાંચ માંગી હોવાની ફરિયાદ મળતા એસીબીએએ કાર્યવાહી કરી હતી.
ચીખલી તાલુકાના રાનવેરી ખુર્દ ગામે બ્લોક સર્વે નં.939વાળી જમીન આવેલી છે. જે જમીનની માપણી કરવા ફરીયાદીએ ઓનલાઈન અરજી કરી હતી. જેની માપણીની કાર્યવાહી કરી માપણી શીટ આપવાના અવેજ પેટે આરોપી સર્વેયરે ફરીયાદી પાસે રૂા.35,000/-ની લાંચની માંગણી કરી હતી. જેની પતાવટના અંતે રૂા. 30,000/- નક્કી થયા હતા. ફરીયાદી લાંચની રકમ આપવા માંગતાં ન હોય જેથી સુરત શહેર એસીબીનો સંપર્ક કરી ફરીયાદ આપી હતી. જે ફરીયાદના આધારે તા.15/11/2022ના રોજ એસીબીએ લાંચનુછટકુ ગોઠવતા ફરીયાદી પાસેથી પંચ સાહેદની હાજરીમાં આરોપી સર્વેયર વર્ગ-3 વિલીસભાઇ વિક્રમભાઈ પટેલ લાંચની રકમ રૂા.30,000/- સ્વીકારતા સ્થળ પર પકડાય ગયા હતા. વધુમાં જાણવા મળેલ માહિતી મુજબ આરોપીને એસીબીએ ડિટેઇન કરી આગળની કાર્યવાહી હાથ ધરી હતી.