(વર્તમાન પ્રવાહ ન્યુઝ નેટવર્ક)
દીવ, તા.04: કેન્દ્ર શાસિત પ્રદેશ દીવમાં જાયન્ટસ ગૃપ ઓફ દીવ દ્વારા ઘણા વર્ષોથી પોતાની નિઃસ્વાર્થ સેવા આપી રહ્યા છે, જે અંતર્ગત આજરોજ દીવની હાયર સેકન્ડરી સ્કૂલ ખાતે મેડિકલ કેમ્પનું આયોજન કરવામાં આવ્યું હતું. જેમાં પડોશી રાજ્ય ગુજરાતના તથા દીવના ડોક્ટરોએ પોતાની નિઃશુલ્ક સેવાઓ આપી હતી.
કાર્યક્રમની શરૂઆત દીપ પ્રાગટય કરી કરવામાં આવી, સાથે ઉપસ્થિત મહેમાનોનું પુષ્પગુચ્છ આપી સ્વાગત કરવામાં આવ્યું હતું. આ કેમ્પ દરમિયાન ભાવનગરથી આવેલ ડોક્ટર હિતેન્દ્ર સોમાણી તથા ડો.તન્મય ત્રિવેદી, કોડીનારથી પધારેલ ડો.મયુર પ્રવીણ વૈશ્ય, સાથે ડોક્ટર હર્ષિદાપી વૈશ્ય અને ઉના થી પધારેલ ડોક્ટર પ્રકાશ વી. ફિચડીયા સાથે ડોક્ટર વિધિ. પી.ફિચડીયા એ દીવના લોકોનેસ્ત્રી રોગ નિષ્ણાંત હાડકાના નિષ્ણાંત વગેરે અનેક રોગના નિષ્ણાંતએ પોતાની સેવા પ્રદાન કરી હતી.
આ કેમ્પનો મુખ્ય ઉદ્દેશ દીવના લોકોને તબીબી સારવાર દીવના આંગણે ઉત્તમ તબીબી સારવાર વિનામૂલ્યે મળી રહે તેવો જાયન્સ ગ્રુપ ઓફ દીવનો પ્રયાસ છે, આ સમગ્ર કાર્યક્રમનું આયોજન જાયન્ટસ ગૃપના પ્રમુખ વિનયબેન શાહના માર્ગદર્શનમાં જાયન્ટસ ગૃપના તમામ સભ્યોએ કાર્યક્રમને સફળ બનાવવા જહેમત ઉઠાવી હતી.