જિલ્લામાં વલસાડ હાલર રોડ કેન્દ્રનું સૌથી વધુ 83.18% અને ગલોંડા કેન્દ્રનું સૌથી ઓછું 36.90% પરિણામ
(વર્તમાન પ્રવાહ ન્યુઝ નેટવર્ક) વલસાડ, તા.06
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા એસ.એસ.સી ધોરણ-10નું કુલ 65.18% પરિણામ જાહેર કરાયું હતું. વલસાડ જિલ્લામાં ઘોરણ 10ની કુલ 21,218 વિદ્યાર્થીઓ પૈકી કુલ 20714 વિદ્યાર્થીઓએ પરીક્ષા આપી હતી. જેમાંથી 13,489 વિદ્યાર્થીઓ પાસ થતા જિલ્લાનું 65.12% પરિણામ જાહેર થયું છે. જ્યારે 7,225 વિદ્યાર્થીઓ નાપાસ થયા હતા.
જિલ્લામાં જેમાં ખ્1 ગ્રેડમાં 118 વિદ્યાર્થીઓ, ખ્2 ગ્રેડમાં 956 વિદ્યાર્થીઓ, A1 ગ્રેડમાં 2,199 વિદ્યાર્થીઓ, A2 ગ્રેડમાં 3,566 વિદ્યાર્થીઓ, B1 ગ્રેડમાં 4,058 વિદ્યાર્થીઓ, B2 ગ્રેડમાં 2,433 વિદ્યાર્થીઓ, C ગ્રેડમાં159 વિદ્યાર્થીઓનો સમાવેશ થયો હતો.
વલસાડ જિલ્લાના કુલ 31 કેન્દ્રો ઉપર ધોરણ 10ની પરીક્ષા લેવાઈ હતી, જેમાં વલસાડ હાલર રોડ કેન્દ્રનું સૌથી વધુ 83.18% પરિણામ આવ્યું હતૂ઼, જ્યારે ગલોંડા કેન્દ્રનું સૌથી ઓછુ 36.90% પરિણામ આવ્યું હતું. આ વર્ષે જિલ્લાનું પરિણામ વર્ષ 2020ના પરિણામ કરતા 6.6% વધુ આવ્યું છે. જિલ્લાની 6(છ) શાળાઓનું 100% જ્યારે 5(પાંચ) શાળાઓનું 0% પરિણામ આવ્યું હતું.
આ પ્રસંગે સફળ વિદ્યાર્થીઓને તેમના ઉજ્જવળ ભવિષ્ય માટે જિલ્લા શિક્ષણાધિકારીની કચેરી સહિત જિલ્લા વહિવટી તંત્રે અભિનંદન પાઠવ્યા હતા.
Previous post