(વર્તમાન પ્રવાહ ન્યુઝ નેટવર્ક)
દમણ, તા.07: દમણ એક્સાઈઝ વિભાગ દ્વારા ગેરકાયદેસર દારૂની હેરાફેરી સામે કડક ઝુંબેશ શરૂ કરવામાં આવી છે. આ અંતર્ગત દમણઆબકારી વિભાગની ટીમ ગઈકાલે તા.07-12-2022ના રોજ બપોરે 01.00 કલાકે દમણના એક્સાઈઝ નિરીક્ષક શ્રી દિક્ષીત આર. ચારણિયા, શ્રી મિલનકુમાર જી. પટેલ અને એક્સાઇઝ ગાર્ડ શ્રી મનીષ યાદવ અને શ્રી પ્રકાશ સિકોતરિયાને બાતમી મળી હતી કે, નાની દમણના ઘેલવાડ ફળિયા, દાભેલ ખાતે આવેલી એક દુકાનમાં તપાસ કરતાં એક્સાઈઝ વિભાગે કુલ 4912 દારૂની બોટલો જપ્ત કરી હતી. એક્સાઈઝ વિભાગ દ્વારા દાદરા અને નગર હવેલી અને દમણ અને દીવ એક્સાઇઝ એક્ટ, 1964 અને ડ્યુટી રૂલ્સ 2020 હેઠળ કેસ નોંધી વધુ તપાસ હાથ ધરી છે.