(વર્તમાન પ્રવાહ ન્યુઝ નેટવર્ક)
વલસાડ, તા.09: વલસાડ જિલ્લામાં આગામી તા.10/12/2022 તથા તા.14/12/2012 દરમ્યાન સ્ટેટ ઈમરજન્સી ઓપરેશન સેન્ટર, ગાંધીનગરથી મળેલી સૂચના મુજબ હવામાન ખાતા તરફથી કમોસમી વરસાદની આગાહી કરવામાં આવી છે. જે અન્વયે કમોસમી વરસાદની આગાહીને ધ્યાને લઈ વલસાડ જિલ્લા ખેતીવાડી અધિકારીશ્રી અને નાયબ બાગાયત નિયામકશ્રીની કચેરી વલસાડ દ્વારા જણાવવામાં આવે છે કે, ઉક્ત દિવસો દરમ્યાન તૈયાર થનાર પાકોની લણણી કરી લેવી અથવા જો શકય હોય તો ઉક્ત દિવસોની આગાહી પછી કરવાની તકેદારી રાખવી. આ ઉપરાંત પાકોમાં નુકસાની ન થાય તે માટે તકેદારીના ભાગરૂપે જરૂરી માપસર પિયત આપવું અને ખાતર વ્યવસ્થાપન કરવું, રોગ જીવાતનો ઉપદ્રવ ન વધે તેના નિયંત્રણ માટે નવસારી કળષિ યુનિવર્સિટી, નવસારી દ્વારા જણાવેલા પગલા લેવા એવું જિલ્લા ખેતીવાડી અધિકારી અનેનાયબ બાગાયત નિયામકે અખબારી યાદીમાં જણાવ્યું છે.
