જિલ્લામાં વધુ એક વાર 108ની સેવા માનવતાની મિશાલ બની
(વર્તમાન પ્રવાહ વાપી બ્યુરો)
વાપી,તા.15: વલસાડ પારનેરામાં રહેતા શ્રમિક પરિવારની મહિલાને બુધવારે રાત્રે પ્રસુતિની પીડા ઉપડતા પરિવારે 108ને રીંગ કરી જાણ કરી હતી. સમયસર 108 આવીને પ્રસુતા મહિલાને લઈ રાત્રે સિવિલ જઈ રહી હતી ત્યાં રસ્તામાં વધુ દુઃખ ઉપડતા 108ના સ્ટાફે એમ્બ્યુલન્સમાં જ મહિલાની ડિલેવરી કરી હતી.
વલસાડ પારનેરાના લીંબડા ચોક વિસ્તારમાં છેલ્લા કેટલાક સમયથી છોડા ઉદેપુરનો શ્રમિક પરિવાર મજુરી કામ-કાજ કરવા રહી રહ્યો છે. બુધવારે મધરાતમાં પરિવારની મહિલાને પ્રસુતિની પીડા ઉપડતા પતિએ 108ને ફોન કર્યો હતો. 108 પારનેરા પહોંચી ગઈ હતી. પ્રસુતિ હેતુ મહિલાને લઈ સિવિલ તરફ એમ્બ્યુલન્સ જઈ રહી હતી ત્યારે આર.પી.એફ. ગ્રાઉન્ડ પાસે મહિલાને પ્રસુતિ પીડા અસહ્ય થતા પાયલોટ કેતનભાઈ આહિર એ.એમ.ટી. ભાવેશએ એમ્બ્યુલન્સમાં મહિલાની પ્રસુતિ કરતા બેબીનો જન્મ થયો હતો. પ્રસુતિ બાદ મહિલા અને નવજાત શીશુને સિવિલ વલસાડમાં દાખલ કરાયા હતા. બન્નેની તબિયત સારી છે. વધુ એક 108 એમ્બ્યુલન્સ સેવા માનવતાની મિશાલ બની હતી.
