(વર્તમાન પ્રવાહ ન્યુઝ નેટવર્ક)
દમણ, તા.23 : દમણ જિલ્લા પંચાયત સંચાલિત સરકારી ઉચ્ચ પ્રાથમિક શાળા પરિયારીના વિદ્યાર્થીઓએ આજે દમણવાડા ગ્રામ પંચાયતની લાયબ્રેરીની મુલાકાત લીધી હતી.
વિદ્યાર્થીઓએ દમણવાડા ગ્રામ પંચાયતની લાયબ્રેરીની મુલાકાત લઈ વિવિધ પ્રકારના પુસ્તકો નિહાળી ખુશી પણ વ્યક્ત કરી હતી. લાયબ્રેરીની નિયમિત મુલાકાતે આવવાનો પણ વિદ્યાર્થીઓએ પોતાનો સંકલ્પ જાહેર કર્યો હતો.
આ પ્રસંગે ઉપસ્થિત દમણવાડા ગ્રામ પંચાયતના સરપંચ શ્રી મુકેશ ગોસાવીએ વિદ્યાર્થીઓને લાયબ્રેરીનું મહત્વ સમજાવ્યું હતું અને પાઠયપુસ્તકની સાથે સાથે ઈત્તર વાંચનનો રસ કેળવવા પણ જણાવ્યું હતું. તેમણે પુસ્તકાલયમાં આવતા ન્યૂઝ પેપરો તથા જ્ઞાનવર્ધક મેગેઝિનની પણ જાણકારી આપી હતી.
