March 28, 2024
Vartman Pravah
દીવ

ઝોલાવાડી ગ્રામ પંચાયત ખાતે પ્રશાસન ગાવ કી ઓર કાર્યક્રમનું આયોજન કરવામાં આવ્‍યું

(વર્તમાન પ્રવાહ ન્‍યુઝ નેટવર્ક)
દીવ, તા.25 : આઝાદીના અમૃત મહોત્‍સવ અંતર્ગત કેન્‍દ્રશાસિત પ્રદેશ દાદરા અને નગર હવેલી અને દમણ અને દીવના માનનીય પ્રશાસક શ્રી પ્રફુલ્લ પટેલના માર્ગદર્શન અને દીવ કલેકટર ફવર્મન બ્રહ્માના નેતૃત્‍વમાં પ્રશાસન ગાંવ કી ઓર કાર્યક્રમનું આયોજન કરવામાં આવ્‍યું હતું. દીવ જિલ્લા પ્રશાસન દ્વારા તારીખ 21 થી 24 સુધી વણાકબારા ગ્રામ પંચાયત, સાઉદવાડી ગ્રામ પંચાયત, બુચરવાડા ગ્રામ પંચાયત અને ઝોલાવાડી ગ્રામ પંચાયત ખાતે પ્રશાસન ગાવ કી ઓર કાર્યક્રમનું કાર્યક્રમનું સફળતાપૂર્વક આયોજન કરવામાં આવ્‍યું હતું. આજરોજ ઝોલાવાડીમાં આ કાર્યક્રમનું આયોજન કરવામાં આવ્‍યું હતું. પ્રશાસન ગાવ કી ઓર કાર્યક્રમમાં દરેક વિભાગની સેવાઓનો ગ્રામજનોએ લાભ લીધો હતો.
ઉલ્લેખનીય છે કે, આ પ્રસંગે કલેકટર શ્રી ફવર્માન બ્રહ્મા, ડેપ્‍યુટી કલેકટર ડો.વિવેક કુમાર, મામલતદાર શ્રી ધર્મેશદમણીયા, દીવ જિલ્લા પંચાયતના પ્રમુખ શ્રીમતી અમૃતાબેન બામણીયા, દીવ નગર પાલિકાના પ્રમુખ હેમલતા સોલંકી અને ઝોલાવાડી ગ્રામ પંચાયતના સરપંચ મનિષાબેન સંજય વાજા ઉપસ્‍થિત રહ્યા હતા. કાર્યક્રમની શરૂઆત દીપ પ્રજ્‍વલિત કરી કરવામાં આવી, ત્‍યારબાદ ઉપસ્‍થિત મહેમાનોનું પુષ્‍પગુચ્‍છથી સ્‍વાગત કરવામાં આવ્‍યું હતું.
આ કાર્યક્રમ અંતર્ગત દીવ જિલ્લાની સરકારી કચેરીઓએ પોતપોતાની સેવાઓને લગતા સ્‍ટોલ ઉભા કર્યા હતા. આ સ્‍ટોલ પર દીવના ગ્રામ્‍ય વિસ્‍તારના લોકોની સમસ્‍યાઓ સાંભળી, સેવાઓ વિશે માહિતી આપી હતી અને તેમની સમસ્‍યાઓનું શકય તેટલું જલદી નિરાકરણ કરવામાં આવ્‍યું હતું અને વિભાગોને લગતી જરૂરી સેવાઓ સ્‍થળ પર જ પૂરી પાડવામાં આવી હતી. આ પ્રસંગે કલેક્‍ટર શ્રી ફરમાન બ્રહ્મા, તથા ઉપસ્‍થિત મહેમાનોના હસ્‍તે ગ્રામજનોને, ડોમિસાઈલ સર્ટિફિકેટ, લર્નિંગ લાયસન્‍સ વગેરેનું સ્‍થળ પર જ વિતરણ કરવામાં આવ્‍યું હતું. સાથે ડીસીપીઓ વિભાગ દ્વારા વ્‍હીલચેરનું વિતરણ પણ કલેકટર ફવર્મન બ્રહ્માના હસ્‍તે કરવામાં આવ્‍યું હતું. આજે ઝોલાવાડી ગ્રામ પંચાયતમાં 538 લોકોએ આ કેમ્‍પનો લાભ લીધો અને ચાર દિવસ દરમિયાન 3325 ગ્રામજનોએ લાભ લીધો હતો.

Related posts

સંઘપ્રદેશ રમતગમત અને યુવા વિભાગ દ્વારા ઓપન લેવલ ક્રિકેટ ટૂર્નામેન્‍ટ યોજાઈ

vartmanpravah

મુંબઈના ઊંડા દરિયામાં ડુબી ગયેલ દીવની ‘શિવ સુંદર’ નામની બોટને યુવા જાગૃત માછીમારોએ ભારે મહેનત બાદ બહાર કાઢી

vartmanpravah

આંદામાન અને નિકોબાર ટાપુઓમાં બદલી થતાં દીવ જિલ્લા પંચાયતના મુખ્‍ય કાર્યકારી અધિકારી વૈભવ રિખારીને ભાવભીની વિદાય અપાઈ

vartmanpravah

સાવધાન….!: દાનહ અને દમણમાં 10 દિવસના વિરામ બાદ 1-1 કોરોના પોઝિટિવ કેસ નોંધાયા

vartmanpravah

સેલવાસ પોલીસે લૂંટ અને મારામારીના કેસમાં પાંચ આરોપીઓની કરેલી ધરપકડ

vartmanpravah

મોટી દમણ ઝરી આશ્રમશાળા ખાતે યોજાયેલ 10 દિવસીય સમર કેમ્‍પની પૂર્ણાહુતિ

vartmanpravah

Leave a Comment