(વર્તમાન પ્રવાહ ન્યુઝ નેટવર્ક)
સેલવાસ,તા.27: દાદરા નગર હવેલી આબકારી વિભાગના ઉપ આયુક્ત અને સહાયક આયુક્તના માર્ગદર્શનમાં ગત તા.25મીના રાત્રિના 2:45 વાગ્યે ખેરડી ગામ નજીકથી એક આઈશર ટેમ્પો નંબર ડી.એન.09 એફ-9629નો પીછો કરી રોકવામાં આવ્યો હતો. જેજી તપાસ કરતા ગેરકાયદેસર કોઈપણ જાતના પાસ પરમીટ વગરનો દારૂ અને બિયરનો જથ્થો મળી આવ્યો હતો. ટેમ્પાની વધુ તપાસ કરતા તેમાંથી 13524 બોટલ અંદાજીત 17,93,400 રૂપિયાનો દારૂ-બિયરનો જથ્થો મળી આવ્યો હતો જેને આઈશર ટેમ્પો જેની કિંમત ત્રણ લાખ મળી કુલ 20,93,400 રૂપિયાનો મુદ્દામાલ જપ્ત કરી આરોપી જગદીશભાઈ વિરુદ્ધ આબકારી ડ્યુટી અધિનિયમ 1964 મુજબ ગુનો દાખલ કરી વધુ તપાસ કરવામાં આવી રહી છે.
