છરવાડા રમઝાનવાડીમાં રહેતો આસિફ મકસુદન ખાનની પોલીસે બે બાઈક સાથે કરેલી ધરપકડ
(વર્તમાન પ્રવાહ વાપી બ્યુરો)
વાપી,તા.26: વાપી જી.આઈ.ડી.સી. સેકન્ડ ફેઈજ હાઈટેક કંપનીના પાર્કિંગમાંથી બાઈક ચોરાઈ હતી જેની ફરિયાદ ઉદ્યોગનગર પો.સ્ટે.માં નોંધાઈ હતી. પોલીસે ચોરેલી બાઈક સાથે આરોપીને ઝડપી પાડી ગુનાનો ભેદ ઉકેલ્યો હતો.
જી.આઈ.ડી.સી. તુલસી હોટલ ચાર રસ્તા પાસેથી પોલીસે કાળા કલરની યુનિકોર્ન બાઈક સવારને ઉભો રાખી શંકાસ્પદ લાગતા પુછપરછ કરી હતી. બાઈકના પેપર માંગ્યા હતા. જે નહી મળતા આરોપી આસિફ મકસુદનખાનની અટક કરી હતી. છરવાડા રમઝાન વાડી ચંપકભાઈની ચાલમાં રહેતા આ આરોપીએ કબુલાત કરી હતી કે ગત તા.21-12-22ના રોજ હાઈટેક કંપનીના પાર્કિંગમાં બાઈક ચોરી કરી હતી. જીજે 15 એએન 3376 અને જીજે 15 એજે 2898 મળી કુલ બે વાહનોની ચોરીની કબુલાત બાદ બે વાહન આરોપી આસિફ પાસેથી રિકવર કર્યા હતા.
