ઉપ પ્રમુખ તરીકે મુકેશભાઈ પ્રજાપતિ અને ભાવેશભાઈ પટેલની સર્વ સંમતિથીકરાયેલી નિયુક્તિ
(વર્તમાન પ્રવાહ વાપી બ્યુરો)
વાપી, તા.26 : આજે કપરાડા તાલુકાના નાનાપોંઢા ખાતે વલસાડ જિલ્લા તલાટી-કમ મંત્રી મંડળની કારોબારી સભા મળી હતી. જેમાં શ્રી અમિતભાઈ આર. પટેલની પ્રમુખ તરીકે સર્વાનુમતે વરણી કરવામાં આવી હતી. ઉપ પ્રમુખ તરીકે શ્રી મુકેશભાઈ પ્રજાપતિ અને શ્રી ભાવેશભાઈ પટેલની નિયુક્તિ કરવામાં આવી હતી જ્યારે મહામંત્રી તરીકે શ્રી સંજયભાઈ સી. પટેલ, સહમંત્રી તરીકે શ્રી ચેતનભાઈ પટેલ, ખજાનચી શ્રી ધનેશભાઈ પટેલની પસંદગી કરવામાં આવી હતી.
મહિલા પ્રતિનિધિ મંડળના પ્રમુખ તરીકે શ્રીમતી શીતલબેન ટંડેલની વરણી કરવામાં આવી હતી અને રાજ્ય પ્રતિનિધિ તરીકે શ્રી સંજયભાઈ છીંદા અને શ્રી કિશોરભાઈ મકવાણાની સર્વાનુમતે વરણી કરવામાં આવી હતી.