(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.27: પોલીસ મથકેથી પ્રાપ્ત વિગત મુજબ હાટ બજારમાં દુકાન ચલાવતા પરિવારની 13 વર્ષીય દીકરી પાસે હાટ બજારમાં જ કપડાં વેચવાનો વ્યવસાય કરનાર ચાંદબાબુ શાહ મહંમદ સિદ્દીકી (રહે.થાલા, તા.ચીખલી) એ મોબાઈલ નંબર અને ઈન્સ્ટાગ્રામના આઈડીની માંગણી કરતા સગીરાએ આપ્યા ન હતા. પરંતુ ત્યારબાદ તેણે ફોન કરી મારી સાથે વાત કરજે અને હું કહું ત્યાં તું મને મળવા આવજે અને જો તું ના પાડશે તો હું તારા મમ્મી પપ્પાને મારી નાંખીશ તેવી ધમકી આપતા સગીરાએ ડરી જઈ ફોન અને ઈન્સ્ટાગ્રામ પર વાત કરતી હતી. પરંતુ અવાર નવાર ફોન કરી હેરાન પરેશાન કરી મળવાની વાત કરી અને વાત ન કરે તો મમ્મી પપ્પાને મારી નાંખવાની ધમકી આપતા કંટાળી જઈ સગીરાએ માતા પિતાને જાણ કરતા તેણીના પિતાએ ફરિયાદ આપતા પોલીસે ચાંદબાબુ શાહમહમદ સિદ્દીકી (રહે.થાલા, તા.ચીખલી) વિરૂધ્ધ જાતીય ગુનાઓથી બાળકોના રક્ષણ અંગેના અધિનિયમની જોગવાઈ મુજબ ગુનો નોંધી વધુ તપાસ પીઆઇ શ્રી કે.જે.ચૌધરી હાથ ધરી ધરપકડનો ચક્રો ગતિમાન કર્યા હતા.
