(વર્તમાન પ્રવાહ ન્યુઝ નેટવર્ક)
નવસારી,તા.04: નવસારી જિલ્લા મહિલા અને બાળ અધિકારીશ્રી આર.એ.ચૌધરી તેમજ દહેજ પ્રતિબંધક અધિકારી શ્રીઆર.એન.ગામિતના માર્ગદર્શન હેઠળ આઇ.ટી.આઇ. ખુંધ, ચીખલી ખાતે ઘરેલુ હિંસાથી મહિલાઓને રક્ષણ અધિનિયમ-2005 અન્વયે કાયદાકીય સેમિનારનં આયોજન કરવામાં આવ્યુ હતું. આ કાર્યક્રમમાં ચીખલી તાલુકા પંચાયતના પ્રમુખ શ્રીમતી કલ્પનાબેન ગાંવિત ઉપસ્થિત રહી જરૂરી માર્ગદર્શનઆપ્યું હતું. આઇ.ટી.આઇ.માં અભ્યાસ કરતી 350 જેટલી તાલીમાર્થીઓને ઘરેલુ હિંસાથી મહિલાઓને રક્ષણ અધિનિયમ 2005 વિશે શ્રીમતી રાધિકાબેન ગામિત દ્વારા વિસ્તૃત માહિતી આવી હતી. જેમાં મહિલા શક્તિ કેન્દ્ર (એમએસકે), ‘સખી વન સ્ટોપ સેન્ટર (ઓ.એસ.સી.), પોલીસ સ્ટેશન બેઇઝડ સપોર્ટ સેન્ટર (પીબીએસસી), વિવિધલક્ષી મહિલા કલ્યાણ કેન્દ્ર (વીએમકે), 181 અભયમ હેલ્પ લાઇન દ્વારા માહિતી તેમજ યોજનાકીય ટૂંકી ફિલ્મ બતવવામાં આવી હતી.
