(વર્તમાન પ્રવાહ ન્યુઝ નેટવર્ક)
સેલવાસ,તા.09 : દાદરા નગર હવેલીમાં ટેનિસ ક્રિકેટ ટૂર્નામેન્ટ રમાડવામાં આવે છે જે એક મનોરંજનનું સાધન છે અને એમાં જેટલા પણ ઓર્ગેનાઈઝર છે તેઓ લાખો રૂપિયાની વસૂલી કરે છે જેનો કોઈ જ હિસાબ કિતાબ થતો નથી. એવા ટેનિસ ક્રિકેટ ટૂર્નામેન્ટ કરાવી બાળકોના ભવિષ્યમાં કોઈ જ ફાયદો થશે નહિ, અન્ય રમતોમાં પ્રશાસકશ્રી અને પ્રધાનમંત્રી નરેન્દ્રભાઈ મોદીની યોજનાઓથી આપણા પ્રદેશના બાળકો ઘણી રમતોમાં જઈ રહ્યા છે અને રાષ્ટ્રીય લેવલ પર રમીને પ્રદેશનું નામ રોશન કરી રહ્યા છે. પરંતુ ટેનિસ ક્રિકેટ ટૂર્નામેન્ટમાં એવું કોઈ જ નામ નથી, એની જગ્યાએ લેધર બોલ દ્વારા ક્રિકેટ મેચ રમાડવામાં આવે જેનાથી આપણા પ્રદેશના બાળકોનું ભવિષ્ય બની શકે, ટેનિસ ક્રિકેટ ટૂર્નામેન્ટમાં લાખો રૂપિયાનો ગોટાળો કરવામાં આવી રહ્યો છે. જેને તાત્કાલિક બંધ કરવામાં આવે એવી વિનંતી છે. જેમાંઘણી સંસ્થાઓ ગેરકાનૂની ચાલી રહી છે અને લાખો રૂપિયાનું ફંડ મનોરંજનના નામે ભેગુ કરવામાં આવી રહ્યું છે.
આ બાબતે સામાજીક કાર્યકર્તા શ્રી રાજેશ હળપતિએ કલેક્ટરને અરજ કરી છે કે આવા કૃત્યોને બંધ કરાવવામાં આવે અને આ ગેરકાનૂની સંસ્થાઓ ઉપર જલ્દીથી જલ્દી અને તાત્કાલિક કાર્યવાહી કરવામાં આવે.
