(વર્તમાન પ્રવાહ ન્યુઝ નેટવર્ક)
સેલવાસ,તા.11 : દાદરા નગર હવેલી પોલીસ દ્વારા સાયલી પી.ટી.એસ. ગ્રાઉન્ડ ખાતે ભીડ નિયંત્રણ અંગે પોલીસ કર્મચારીઓને સંવેદનશીલ બનાવવા માટે પ્રદેશમાં દંગા વિરોધી મોકડ્રિલનું આયોજન કરવામાં આવ્યું હતું. આ દરમિયાન વિવિધ રેન્કના 36 જેટલા પોલીસ કર્મચારીઓએ ભાગ લીધો હતો. આ અવસરે ઇન્ડિયન રિઝર્વ બટાલિયનના ટ્રેનરોએ ભીડ નિયંત્રણના માટે દંગા, હુલ્લડ દરમ્યાન અપનાવવામાં આવતી વિવિધ તરકીબો અને પ્રક્રિયાઓ અંગે માર્ગદર્શન આપવામાં આવ્યું હતું.
પોલીસ કર્મચારીઓ માટે દરેક પ્રકારની પરિસ્થિતિમાં રોપ/બૈરીકેડીંગ પાર્ટી, વોટર કેનન પાર્ટી, લાઠીચાર્જ, ફાયરિંગ, ગિરફતારી અને સ્ટ્રેચર જેવી વિવિધ ટીમોનું ગઠન કરી મોકડ્રિલનું પ્રદર્શન કરવામાં આવ્યું હતું.