(વર્તમાન પ્રવાહ વાપી બ્યુરો)
વાપી, તા.12: પોદાર જમ્બો કિડ દ્વારા 23મી ડિસેમ્બર 2022ના રોજ ‘વાર્ષિકોત્સવ’નું આયોજન કરવામાં આવ્યું હતું. જેની થીમ હતી ‘‘વનબંધુ”.
આ કાર્યક્રમમાં મુખ્યમહેમાન તરીકે સુરત ખાતે આવેલ ડ્રીમ ઈન્ડિયા સ્કૂલના પ્રિન્સિપાલ શ્રીમતી પૂનમ ઉપાધ્યાય ઉપસ્થિત રહ્યા હતા. પોદાર જમ્બો કિડના તમામ બાળકોએ ‘વનબંધુ’ થીમ અંતર્ગત આપણા ભારતની વિવિધ જાતિઓ અને આદિવાસીઓનું પ્રતિનિધિત્વ કર્યું હતું. આ આદિવાસીઓ મૂળભૂત રીતે ભારતીય દેશના તમામ ભાગોમાંથી હતા. જે સંસ્કૃતિ પરંપરા ખોરાક, કપડા અને રોજિંદી પ્રવૃત્તિઓની આદતોને દર્શાવી હતી.
આ સમગ્ર કાર્યક્રમ શાળાનાં આચાર્યશ્રી અનુપમ ઉપાધ્યાયના નેજા હેઠળ કરવામાં આવ્યો હગતો. સમગ્ર કાર્યક્રમનું સંચાલન શ્રીમતી પિન્કી યાદવે કર્યું હતું. દર્શકોએ આ કાર્યક્રમનો ભરપૂર આનંદ માણ્યો હતો. નાના ભૂલકાઓને વિવિધ નૃત્યો અને દૃશ્યોમાં અભિનય કરતાં જોઈ વાલીઓ ખૂબ જ ખુશ થયા હતા.
