ખંડણીના ગુનામાં ધરપકડ થતાં નવિન પટેલની દિન-પ્રતિદિન વધી રહેલી મુશ્કેલીઓઃ જિલ્લા પંચાયતના પ્રમુખ અને સભ્યપદેથી પાંચ વર્ષ માટે ગેરલાયક શા માટે નહીં ઠેરવવા? જારી કરાયેલી કારણદર્શક નોટિસ
(વર્તમાન પ્રવાહ ન્યુઝ નેટવર્ક)
દમણ, તા.13 : ખંડણીના ગુનામાં ધરપકડ કરાયેલા નવિન પટેલને દમણ જિલ્લા પંચાયતના પ્રમુખ પદેથી અને દમણ જિલ્લા પંચાયતના વોર્ડ નં.1/16ના સભ્ય પદેથી તાત્કાલિક અસરથી સસ્પેન્ડ કરવાનો આદેશ આજે સંઘપ્રદેશના પંચાયતી રાજ સચિવ શ્રી ગૌરવ સિંહ રાજાવતે કર્યો હતો.
પંચાયતી રાજસચિવ શ્રી ગૌરવ સિંહ રાજાવતે નવિન પટેલને જિલ્લા પંચાયતના પ્રમુખ અને સભ્ય પદેથી પાંચ વર્ષ માટે શા માટે ગેરલાયક નહીં ઠેરવવા? તે બાબતે કારણદર્શક નોટિસ પણ પાઠવી છે.
દમણ જિલ્લા પંચાયતના પ્રમુખ નવિન પટેલની મુશ્કેલીઓ દિન-પ્રતિદિન વધતી જઈ રહી હોવાનું દેખાઈ રહ્યું છે. તેમની ખંડણીના ગુના હેઠળ ગઈકાલે દમણ પોલીસ દ્વારા ધરપકડ કરવામાં આવી હતી.
