(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.22: ચીખલી તાલુકાના દેગામ ગામે આવેલ બ્લેક ડાયમંડ સ્ટોન એન્ટરપ્રાઈઝ ક્વોરીની પથ્થરની ખાણમાં શ્રમિકો પથ્થરની ભેખડ ઉપર બ્લાસ્ટિંગ કરવા માટે હોલ ભરતા હતા તે દરમ્યાન સવારના સાડા દસેક વાગ્યાના અરસામાં અચાનક ઉપરથી મોટા પથ્થરો ધસી આવતા દબાઈ જતા મંગુભાઈ છનાભાઈ પટેલ (રહે.દેગામ ઘોડિયાવાડ કુંવાધોલ ફળીયા તા.ચીખલી) તથા રતિલાલ મનુભાઈ પટેલ (રહે.દેગામ ધોડીયાવાડ તા.ચીખલી) એમ બે ના ઘટના સ્થળે જ મોત નિપજ્યા હતા. આ ઉપરાંત દેગામઘોડિયાવાડના નટુભાઈ ભીમભાઈ પટેલ ઈજાગ્રસ્ત થતા સારવાર અર્થે ખસેડવામાં આવ્યા હતા. બનાવ અંગેની જાણ રાજેશ જીવણભાઈ પટેલ (રહે.દેગામ ધોડિયાવાડ તા.ચીખલી) એ કરતા પોલીસે અકસ્માત મોતનો ગુનો નોંધી કાયદેસરની કાર્યવાહી હાથ ધરી હતી.