(વર્તમાન પ્રવાહ ન્યુઝ નેટવર્ક)
દીવ, તા.28: કેન્દ્ર શાસિત પ્રદેશ દીવ ખાતે આવેલ બંદર ચોક પર નશાની હાલતમાં ઉભેલો પર્યટક દરિયામાં ખાબક્યો હતો, રાત્રે આશરે આઠ કલાકની આસપાસ ખૂબજ નશાની હાલતમાં પર્યટક સુનિલ કુમાર ગૌતમ બંદર ચોક જેટી પર હતો ત્યાંથી તે અચાનક જ દરિયામાં પડી ગયેલ, જેને સ્થાનિક લોકો દ્વારા તાત્કાલિક 108 ને જાણ કરતા 108 ઘટના સ્થળે પહોંચીને તેને દીવ સરકારી હોસ્પિટલ ખાતે ખસેડવામાં આવ્યા. જ્યાં ફરજ પરના ડોક્ટરએ સારવાર આપી હતી, રીફર કર્યા હતા, નશાની હાલતમાં તેમણે તેમનું નામ સુનિલ કુમાર ગૌતમ, ઉંમર 31 વર્ષ તથા તે ઈલ્હાબાદના હોય તેવું જણાવ્યું હતું. પોલીસને પણ જાણ થતાં હોસ્પિટલ પહોંચી આવ્યા હતા, અને આગળની કાર્યવાહી હાથ ધરી હતી.
