(વર્તમાન પ્રવાહ ન્યુઝ નેટવર્ક)
દીવ, તા.06
ભારત સરકાર દર વર્ષે કલા ઉત્સવ કાર્યક્રમનું આયોજન કરે છે. જેનો ઉદ્દેશ વિદ્યાર્થીઓમાં રહેલી કલાને બહાર લાવવાનો છે.
દીવ સરકારી ઉચ્ચતર માધ્યમિક શાળાનો વિદ્યાર્થી અભિષેક હરેશ શાહ શાસ્ત્રીય ગાયન હરિફાઇમાં યુ.ટી. સ્તરે પસંદગી પામ્યા બાદ રાષ્ટ્રીય સ્તરે કૃતિ રજૂ કરી અને દીવનું ગૌરવ વધાર્યુ છે. વિદ્યાર્થી અભિષેકને માર્ગદર્શન શાળાના સંગીત શિક્ષક જિજ્ઞેશ ટીલાવતે આપી હતી. સાતત બે વર્ષ સુધી રાષ્ટ્રીય સ્તરે પહોંચનાર દીવનો આ પ્રથમ વિદ્યાર્થી છે.
આ સિધ્ધી બદલ શિક્ષણાધિકારી શ્રી દિલાવર મન્સુરી, શાળાના પ્રભારી પ્રાચાર્ય શ્રી આર.કે.સિંઘ અને શાળાના શિક્ષક ભાઈ-બહેનોએ અભિષેકને અભિનંદન પાઠવ્યા હતા.
